ترتيب فصائل الكلاب من حيث الذكاء

سلام عليكم يا شباب

طبعاً أى واحد مننا ربى نوعيات مختلفة من الكلاب قبل كدة بيلاحظ ان فيه فرق فى سرعة استجابة الكلاب للتدريبات
مثلاً فيه كلب بيفهم الأمر وينفذه من أول تدريب وكلب تانى بينفذ الأمر بعد عاشر تدريب وكلب تالت عمره ما بينفذ الأمر
الكلاب عموماً ذكية بس هى مش أذكى الحيوانات ومع ذلك هى أسهل الحيوانات فى التدريب لسبب :
لأن الكلب أهم شيء بالنسبه ليه انه يعيش كفرد فى مجموعة
وعشان المجموعة تعيش بسلام لازم كل واحد من المجموعة يكون عارف هو ترتيبه ايه داخل المجموعة
فيه واحد بيبقى القائد ( الألفا ) وتحته بنلاقى بقيت المجموعة درجات
لغاية لما نوصل لآخر فرد فى المجموعة وهو اللى بيكون تابع ومطيع وميعصاش أمر

لما بنجيب كلب جديد و ندخله البيت بنبقى احنا بالنسبة ليه المجموعة .. بعد كذا يوم بيبدأ يستكشف هو ترتيبه ايه فى المجموعة
هل هو القائد ؟ هل هو فى المرتبة اللى بعد القائد على طول ؟
هل هو أعلى درجة من الأطفال اللى فى البيت ؟
ولا هل هو أقل واحد درجة فى البيت ؟
اللى عنده دراية بالكلاب طبعاً بيبدأ تدريبات الطاعة للكلب من أول يوم عشان الكلب يفهم ان هو تابع وانه مش أعلى درجة من أى شخص فى البيت ( فى المجموعة )
طبعاً أغلب الكلاب بتحاول فى الأول تاخد هى مركز القيادة مثلا نلاقيها :
متنفذش أى أمر وتطنش كلام صاحبها لغاية لما صاحبها يثبتلها ان هو القائد و أوراق اللعبة كلها فى ايده
لو الكلب وصله الانطباع دة بيرضخ و مبيكونش عنده أي مشاكل انه يطيع أوامر صاحبه
بالعكس بيبقى مبسوط لأنه عرف درجته ايه فى المجموعة وكمان بيبقى استريح من هم على قلبه وهو مركز القائد بكل ما عليه من مسئوليات

دى كانت فكرة عامة بس عن طريقة تفكير الكلاب أنا عارف ان اغلب أعضاء المنتدى عندهم خلفية عن النقطة دى بس حبيت أوضحها للهواة الجدد

دلوقتى بقى السؤال المهم

هل فى كلب ذكى وكلب غبى ؟؟

طبعاً فيه إختلاف فى درجة الذكاء من فصيلة لأخرى

وكمان فيه حاجة تانيه لا تقل أهمية و هى
حب الكلب لإسعاد صاحبه ودة بتختلف من فصيلة لتانية

طبعاً الجيرمن لا خلاف عليه ان هو أكتر الكلاب اللى بتسعى دايماً انها ترضى صاحبها وتسعده

خلينا نشوف بقى ترتيب فصايل الكلاب من حيث الذكاء ومن حيث درجة حبها لارضاء صاحبها

هم متقسمين عشر مستويات
هنبدأ بالمستوى العاشر وهو أصعب الكلاب للتدريب
لغاية لما نوصل للمستوى الأول وهو أسهل الكلاب فى التدريب


* المستوى العاشر

chow chow




Bull dog ( كلب توم و جيرى )



Beagle



_________________________________


* المستوى التاسع

Chihuahua




Pekingese




___________________________________



* المستوى الثامن

Saint bernard





Yorkshire Terrier




_____________________________


* المستوى السابع


Samoyed




Cairn Terrier




______________________________

* المستوى السادس

Maltese




Husky





________________________________


* المستوى الخامس


Boxer




Great Dane




Shih Tzu




Dalmatian




______________________________


* المستوى الرابع

Cocker Spaniel



RottWeiler





___________________________________


* المستوى الثالث

Akita



Toy Poodle




________________________________


* المستوى الثانى


Labrador Retriever




Golden Retriever





Collie ( الكلبة لاسى )






_______________________________


* المستوى الأول

German Shepherd



Standard Poodle





Doberman




Australian Shepherd





ملاحظة أخيرة :البت بول بييجى فى المركز العاشر مع البول دوج
المركز العاشر لا يعنى ان الكلب غبى هو بس بيبقى كلب عنيد و وبدماغة شوية

أخيراً بس حبيت اقول ان كل الكلاب قابلة للتدريب بس الموضوع أحياناً بيبقى محتاج صبر